انتخابی مہم کا وقت ختم ،اشتہارات ،بینرز لگانے پر پابندی عائد

الیکشن کمیشن آف پاکستان کی جانب سے تما م سیاسی جماعتوں کو انتخابی مہم کے لیے دیا گیا وقت ختم ہو گیا ہے، الیکشن کمیشن کے مطابق  جو بھی سیاسی  جماعت اپنی انتخابی  مہم جاری رکھے گی اس کے خلاف ادارے کی جانب سے کارروائی کی جائے گی۔

اس سے قبل الیکشن کمیشن آف پاکستان نے عام انتخابات 2024 میں حصہ لینے والے تمام امیدواروں اور سیاسی جماعتوں کو آگاہ کیا کہ 6 فروری 2024 کی رات 12 بجے کے بعد کوئی بھی شخص کسی بھی جلسے، جلوس، کارنر میٹنگ یا اس نوعیت کی سیاسی سرگرمی کا نہ تو انعقاد کرے گا اور نہ ہی اس میں شرکت کرے گا۔

منگل کو جاری کیے جانے والے بیان میں الیکشن کمیشن کا کہنا تھا کہ ’کوئی بھی شخص جو قانون کی شق کی خلاف ورزی کرے گا اس کے خلاف قانونی کارروائی عمل میں لائی جائے گی ۔ 

الیکشن کمیشن کے بیان کے مطابق چھ فروری 2024 کی شب 12 بجے کے بعد انتخابی مہم، انتخابی اشتہارات و دیگر تحریری مواد کی الیکٹرانک اور پرنٹ میڈیا پر تشہیر پر بھی پابندی ہے ۔