پاکستان انسانی حقوق اور بنیادی آزادیوں کے تحفظ کے لئے پوری طرح پرعزم ہے ، ترجمان دفتر خارجہ

اسلام آباد: ترجمان دفتر خارجہ ممتاز زہرہ بلوچ نے پاکستان میں آئندہ عام انتخابات کے حوالے سے اقوام متحدہ کے ہائی کمشنر برائے انسانی حقوق کے دفتر کے ریمارکس پر میڈیا کے سوال کے جواب میں کہا ہے کہ پاکستان ایک جامع جمہوری عمل کو فروغ دینے، قانون کی حکمرانی کو برقرار رکھنے اور انسانی حقوق اور بنیادی آزادیوں کے تحفظ کے لئے پوری طرح پرعزم ہے جس کی ضمانت اس کے قوانین اور آئین میں دی گئی ہے۔

دفتر خارجہ کے مطابق بدھ کو یہاں جاری بیان میں انہوں نے کہا کہ پاکستان کے انتخابی قوانین کے مطابق 8 فروری کو انتخابات کے انعقاد کے لیے سکیورٹی پلانز کو حتمی شکل دے دی گئی ہے۔ انہوں نے کہا کہ ہمارا عدالتی نظام منصفانہ ٹرائل اور مناسب عمل فراہم کرتا ہے، انتخابی عمل میں کسی بھی شکایت کی صورت میں ملکی قوانین کے ذریعے ان کا قانونی حل موجود ہے۔\