پاک فوج کی تشدد سے پاک پر امن عام انتخابات کے انعقاد پر قوم کو مبارکباد

افواج پاکستان نے تشدد سے پاک پر امن عام انتخابات کے انعقاد پر قوم کو مبارکباد دی ہے۔

پاک فوج کے شعبہ تعلقات عامہ( آئی ایس پی آر) کی جانب سے جاری بیان میں کہا گیا ہے کہ پاک فوج کو الیکشن عمل میں سکیورٹی کی فراہمی میں کلیدی کردار پر فخر ہے۔ انتخابی عمل جیسے مقدس فریضے میں قانون نافذ کرنے والے دیگر اداروں کے ساتھ سکیورٹی کے فرائض انجام دینے پر فخر ہے۔ 

آئی ایس پی آر کا کہنا ہے کہ پاک فوج نے دیگر قانون نافذ کرنے والے اداروں سے مل کر ذمہ داریاں ادا کیں۔ پاک فوج نے آئین کے مطابق اپنی ذمہ داریاں ادا کیں۔ ملک کے 6 ہزار حساس پولنگ اسٹیشنز پر ایک لاکھ 37 ہزار فوجی اور سویلین اہلکاروں سے سکیورٹی فراہم کی جبکہ 7 ہزار 800 جوان کوئیک رسپانس فورس کے طور پر تعینات تھے۔

واضح رہے کہ ملک میں عام انتخابات میں پولنگ کے بعد ووٹوں کی گنتی اور ساتھ ہی نتائج آنے کا سلسلہ جاری ہے۔ عام انتخابات کیلئے پولنگ کا عمل صبح 8 بجے سے شام 5 بجے تک جاری رہا اور کروڑوں افراد نے اپنا حق رائے دہی استعمال کیا۔