پی ایس 77: پہلا غیر سرکاری مکمل نتیجہ ،مراد علی شاہ کامیاب

عام انتخابات 2024 کا پہلا مکمل نتیجہ موصول ہو چکا ہے ،  جس کے مطابق سابق وزیراعلیٰ سندھ مراد علی شاہ اپنی نشست جیتنے میں کامیاب ہوگئے ہیں۔ 

پیپلزپارٹی کے امیدوار مراد علی شاہ نے 66 ہزار 100 ووٹ حاصل کیے ان کے مقابلے میں جی ڈی اے کے روشن علی 7 ہزار کے ووٹ حاصل کرکے دوسرے نمبر پر رہے۔

غیر سرکاری اور غیر حتمی نتائج کے مطابق پی ایس 77 جامشورو سے پاکستان پیپلزپارٹی کے مراد علی شاہ کامیاب قرار پائے ہیں۔ پی ایس 77 جامشورو 1کے تمام 169 پولنگ اسٹیشنز کے نتائج سامنے آگئے ہیں۔

یاد  رہے کہ پاکستان میں ہونے والے عام انتخابات کے لیے پولنگ کا عمل مقررہ وقت 5 بجے ختم ہوگیا تھا جس کے بعد ووٹوں کی گنتی کا عمل جاری ہے اور ملک بھر سے غیر حتمی اور غیر سرکاری نتائج آنے کا سلسلہ جاری ہے۔