فائرنگ سے سابق رکن قومی اسمبلی محسن داوڑ زخمی

شمالی وزیرستان کے علاقے میرانشاہ میں فائرنگ سے سابق رکن قومی اسمبلی محسن داوڑ زخمی ہو گئے۔

ذرائع کے مطابق شمالی وزیرستان کےعلاقے میرانشا میں محسن داوڑ کی قیادت میں نیشنل ڈیموکریٹک موومنٹ (این ڈی ایم) کے کارکنوں کی احتجاج کے دوران پولیس کے ساتھ جھڑپ ہوئی جو کشیدگی اختیار کر گئی ۔

میرانشاہ قلعہ گیٹ کے سامنے این اے 40 شمالی ویرستان کے نتائج میں‌ تاخیر کے خلاف امیدواروں اور کارکنوں کا احتجاج جاری تھا کہ مبینہ طور پر کراس فائرنگ سے پولیس اہلکار سمیت 2 افراد جاں بحق جبکہ محسن داوڑ سمیت 12 افراد زخمی ہوگئے ، زخمیوں کو میران شاہ اسپتال منتقل کر دیا گیا جبکہ پولیس کی جانب سے محسن داوڑ کے زخمی ہونے کی تصدیق کرتے ہوئے بتایا گیا ہے کہ محسن داوڑ حامیوں کے ہمراہ احتجاج کر رہے تھے۔

یاد رہے کہ الیکشن کمیشن کی جانب سے نتائج میں تاخیر پر امیدواران گزشتہ 2 روز‌ سے RO آفس میں نتائج کے منتظر تھے اور آج بھی اسی سلسلے میں احتجاج جاری تھا کہ اچانک کشیدگی شروع ہو گئی۔

پولیس موبائل پر دہشتگردوں کا حملہ، ایڈیشنل ایس ایچ او شہید موقع ہر ہی شہید ہو گیا ۔ 

پولیس کے مطابق دہشت گردوں نے دراندازہ کے قریب پولیس موبائل پر حملہ کیا، اس دوران دہشت گردوں کی فائرنگ سے ایڈیشنل ایس ایچ او دین محمد شیرانی موقع پر شہید ہوگئے۔

پولیس کا کہنا ہے کہ واقعے کی اطلاع ملتے ہی پولیس کی بھاری نفری جائے وقوع پر پہنچ گئی، جہاں دہشت گردوں کے ساتھ مقابلے میں جوابی فائرنگ کے نتیجے میں 3 دہشت گرد موقع پر مارے گئے۔