الیکشن کمیشن میں انتخابی عذداریاں دائر کرنے کے لیے کاؤنٹرزقائم

الیکشن کمیشن نے انتخابی عذداریاں دائر کرنے کے لیے الیکشن کمیشن سیکرٹریٹ آنے والے افراد اور سائلین کی رہنمائی اور سہولت کے لیے چار کاؤنٹرز قائم کر دیئے ہیں۔

ترجمان الیکشن کمیشن کی جانب سے جاری کردہ بیان کے مطابق ہر صوبہ سے درخواستیں وصول کرنے کے لیےعلیحدہ کاؤنٹر بنائے گئے ہیں۔ یہ چاروں کاؤنٹرز الیکشن کمیشن کی عمارت کے سامنے قائم کیے گئے ہیں۔شکایات سیل انتخابی نتائج سے متعلق قائم کئے گئے ہیں، درخواست گزار اپنے اپنے حلقے سے متعلق معلومات لے سکیں گے۔

الیکشن کمیشن آج 67 درخواستوں پر سماعت کرے گا جبکہ درخواستوں پر سماعت کے لیے 2 بینچ تشکیل دے دیئے گئے ہیں۔ ممبر پنجاب اور ممبر خیبرپختونخوا پر مشتمل بینچ 29 درخواستوں پر جبکہ ممبر سندھ اور ممبر بلوچستان پر مشتمل بینچ 38 درخواستوں پر سماعت کرے گا۔