اقوام متحدہ کے سیکرٹری جنرل کا پاکستانی حکام سے رابطہ

اقوام متحدہ کے سیکرٹری جنرل انتونیوگوتریس نے پاکستان حکام سے رابطہ کیا ہے۔

انتونیو گوتریس نے انتخابات کے بعد درپیش مسائل کے قانونی حل پر زور دیتے ہوئے کہا پاکستان کی صورتحال پر گہری نظر رکھے ہوئے ہیں، کسی بھی ایسی کارروائی سے گریز کیا جائے جو کسی کشیدگی کا باعث بنے۔

اقوام متحدہ کے سیکریٹری جنرل انتونیوگوتریس نے پاکستانی حکام سے صورتحال پر تبادلہ خیال کیا اور انتخابات کے بعد مسائل طے شدہ قانونی طریقہ کار کےذریعےحل کرنےپرزوردیا۔

انتونیوگوتریس نے پاکستانی حکام اور سیاسی رہنماؤں سے انتخابات کے بعد ہونے والے مسائل کے حل کا مطالبہ کرتے ہوئے کہا کسی بھی ایسی کارروائی سے گریز کیا جائے جو کشیدگی کا باعث ہو۔ پاکستان میں امن و امان کی صورتحال پر گہری نظر رکھے ہوئے ہیں، مسائل اور تنازعات کے قانونی طریقے کار سے حل کیا جائے۔

ترجمان یواین سیکریٹری جنرل سٹیفن ڈوجارک نے پاکستانی حکام اور سیاسی رہنماؤں سے اپیل کی پُرسکون ماحول کو برقرار رکھیں، انسانی حقوق اور قانون کی حکمرانی کے لیے پاکستانی عوام کے مفاد کامکمل احترام کیاجائے۔

سٹیفن ڈوجارک کا کہنا تھا کہ ہر قسم کے تشدد کو مسترد کریں، اس سے اجتناب کریں، اور کسی بھی ایسے اقدام سے گریز کریں جو کشیدگی کو بڑھا سکیں۔