پیپلزپارٹی کا حکومت سازی کیلئے مسلم لیگ ن کے ساتھ اتحاد کااعلان

پیپلزپارٹی نے حکومت سازی کیلئے مسلم لیگ ن کے ساتھ اتحاد کااعلان کردیا۔

تفصیلات کے مطابق چیئرمین پیپلزپارٹی بلاول بھٹو کاپریس کانفرنس کرتے ہوئے اعلان کیا کہ حکومت سازی کیلئے ن لیگ کا بھرپور ساتھ دیں گے مگر وفاقی کابینہ میں دلچسپی نہیں صرف آئینی عہدے صدر،چیئرمین سینیٹ،صوبائی گورنرز کے عہدے لینے پربات ہوگی۔پیپلزپارٹی  وزیراعظم کیلئے ن لیگ کے امیدوار کو ووٹ دے گی ۔بلیک میل کرنا چاہتا تو ن لیگ اور پی ٹی آئی کو کہتا کہ مجھے وزیراعظم بنائیں۔

چیئرمین پیپلزپارٹی کاکہنا تھا کہ آصف زرداری صدرمملکت کے امیدوار ہوں گے ۔ ملک کیلئے ضروری ہے کہ آصف زرداری صدارت کا عہدہ سنبھالیں۔ ملک جل رہا ہے بجھانے کی صلاحیت صرف آصف زرداری کے پاس ہے ۔سندھ اور بلوچستان میں حکومتیں بنائیں گے۔چیئرمین سینیٹ،ڈپٹی چیئرمین سینیٹ،سپیکر کیلئے امیدوار کھڑے کریں گے۔

بلاول بھٹو کاکہنا تھا کہ  پیپلزپارٹی کی سینٹرل ایگزیکٹوکمیٹی کے اجلاس میں  ملکی سیاسی صورتحال پر غور کیاگیا۔ وقت آگیا ہے کہ پاکستان کھپے کانعرہ لگائیں۔ اتنا مینڈیٹ نہیں ملا کہ وزارت عظمی کا امیدوار بنوں۔پیپلزپارٹی اپنی شرائط پرحکومتی بنچز میں بیٹھے گی ۔ن لیگ نے حکومت میں شمولیت کی دعوت دی تھی ۔پی ٹی آئی نے پیپلزپارٹی سے بات نہ کرنے کا اعلان کیا ہے۔پی ٹی آئی کے اعلان کے بعد ان کا حکومت سازی کا امکان ختم ہوگیا۔

چیئرمین پیپلزپارٹی بلاول بھٹو کاکہنا تھا کہ حکومت سازی اور دیگرجماعتوں سے رابطوں کیلئے کمیٹی بنادی۔18ماہ ن لیگ کے ساتھ حکومت میں رہے،ہمارے لوگوں نے شکایات کیں۔ہم ایشوز پر حکومت کاساتھ دیں گے۔سب کو کلیئرمینڈیٹ کی امید تھی مگر کسی کو نہیں ملا۔حکومت کی حمایت کریں گے مگروزارتیں نہیں لیں گے۔انشااللہ پارلیمان بنے گی یہی وہ فورم ہے جہاں مشکلات حل ہوں گی ۔ایسا نہ ہو ہمیں اگلے الیکشن کی طرف جانا پڑے۔ملک کی خاطر چاہتے ہیں حکومت سازی کا عمل جلد مکمل ہو۔

بلاول بھٹو کا مزید کہنا تھا کہ پیپلزپارٹی کا متفقہ فیصلہ ہے کہ پاکستان کو بحران سے نکالا جائے۔ہم آج بھی پاکستان کھپے کا نعرہ لگاتے ہیں۔تحریک انصاف کو کہتا ہوں کہ ملک کیلئے سوچے۔تحریک انصاف کسی کے ساتھ بات نہیں کرناچاہتی تو نہ کرے ۔