الیکشن کمیشن نے علی امین گنڈا پور کے وارنٹ گرفتاری جاری کر دیئے

آزاد کشمیر: الیکشن کمیشن آف آزاد کشمیر نے پاکستان تحریک انصاف (پی ٹی آئی) کے نامزد وزیراعلیٰ امیدوار علی امین گنڈا پور کے وارنٹ گرفتاری جاری کردیئے۔

تفصیلات کے مطابق علی امین گنڈا پور کے خلاف آزاد کشمیر کے انتخابات میں ضابطہ اخلاق کی خلاف ورزی کا مقدمہ درج کیا گیا تھا۔

علاوہ ازیں علی امین گنڈا پور کی گرفتاری کے حوالے سے ڈپٹی کمشنر ڈیرہ اسماعیل خان کو خط بھیجا گیا ہے، خط میں کہا گیا ہے کہ علی کو 28 فروری تک آزاد کشمیر کے الیکشن کمیشن کے سامنے پیش کیا جائے۔

واضح رہے کہ یہ درخواست راجہ ذوالقرنین کی جانب سے 2021 کے انتخابات میں پی ٹی آئی کے امیدوار کے خلاف دائر کی گئی تھی۔