نیول چیف نے آبدوزوں کی قومی صنعت کے استحکام کو پاک بحریہ کی اولین ترجیح قرار دیا

پاک بحریہ کے سربراہ ایڈمرل نوید اشرف نے بحری جہازوں اور آبدوزوں کی قومی صنعت کے استحکام کو پاک بحریہ کی اولین ترجیح قرار دیا ہے۔

انہوں نے یہ بات کراچی شپ یارڈاینڈ انجینئرنگ ورکس میں دوسری ہنگورسمندری آبدوز کی تیاری کاکام شروع کرنے سے متعلق ایک تقریب سے خطاب کرتے ہوئے کہی۔

انہوں نے کہا کہ پاک بحریہ کی خود کفالت کے حصول کی کوششوں کو ہنگور کلاس آبدوز کی تیاری سے تقویت ملے گی جو جدید ٹیکنالوجی اور ہتھیاروں سے لیس ہوگی۔

پاک بحریہ کے سربراہ نے ملکی سطح پر جدید آبدوز تیار کرنے کیلئے وزارت دفاعی پیداوار، پاک بحریہ اور کراچی شپ یارڈ کی کوششوں کی تعریف کی۔