بھاری برفباری، سیاحوں کو مشکلات کا سامنا، نقل و حرکت میں دشواری

پشاور: ملک کے بالائی علاقوں میں برفباری کے باعث سیاحوں کو شدید مشکلات کا سامنا ہے، خیبرپختونخوا میں موسم کی خرابی کے باعث 4 افراد جاں بحق ہوگئے جب کہ بالائی علاقوں میں رابطہ سڑکیں بند ہوگئیں۔

تفصیلات کے مطابق ملک بھر میں بارش اور برفباری کا سلسلہ جاری ہے، خیبرپختونخوا میں حادثات کے باعث 4 افراد جاں بحق اور زخمی ہوگئے، دوسری جانب ناران میں 8 فٹ، شوگران میں 2 فٹ، 3 فٹ برف پڑ گئی۔ کالام اور مالم جبہ میں دو فٹ ہے۔

مالم جبہ میں کئی کھمبے اکھڑ گئے جس سے گزشتہ رات سے بجلی کی سپلائی منقطع ہے۔ کشورہ سے آگے کی سڑک بھی بند ہے اور دیربالا میں بالائی علاقوں کو ملانے والی سڑکیں بھی بند ہیں۔

گلگت بلتستان میں شاہراہ قراقرم اور گلگت سکردو روڈ بھی لینڈ سلائیڈنگ کے باعث بند ہے جس سے لوگوں کو شدید مشکلات کا سامنا ہے۔

راولاکوٹ کے سیاحتی مقام ٹولی پیر روڈ بند، وادی لیپا میں نظام زندگی معطل اور ریشیاں لیپا روڈ دوسرے روز بھی بند رہا۔ مری سمیت کئی شہروں میں بارش ہوئی اور راولپنڈی میں سڑکوں پر پانی جمع ہوگیا۔