لیبیا، مسلح افراد کے حملے میں 10 افراد ہلاک

طرابلس: لیبیا کے دارالحکومت طرابلس میں ملیشیا گروپ کے خلاف مسلح حملے میں 10 افراد ہلاک ہو گئے۔

ٹی آر ٹی کے مطابق طرابلس پولیس کے سربراہ حلیل وحیبے نے کہا کہ نامعلوم افراد کی جانب سے ابو سلیم کے علاقے میں ایک گھر میں سٹیبلٹی سپورٹ یونٹ ملیشیا سمیت ایک گروپ کے خلاف مسلح حملہ کیا گیا جس میں 10 افراد ہلاک ہوگئے۔

پولیس نے مجرمان کی تلاش شروع کر دی ہے۔ دوسری جانب لیبیا میں اقوام متحدہ کے امدادی مشن ( یو این ایس ایم آئی ایل ) کی طرف سے حملے کی مذمت کی گئی ہے ۔