پاکستان کی 7 ملکوں کوبرآمدات میں رواں سال کے پہلے 7 مہینوں میں 21.68 فیصد اضافہ ہوا،سٹیٹ بینک

اسلام آباد: پاکستان کی 7 ملکوں کوبرآمدات میں گزشتہ سال کے اسی مہینوں کے مقابلے میں مالی سال (2023-24) کے پہلے 7 مہینوں میں 21.68 فیصد اضافہ ہوا ہے۔

سٹیٹ بینک کی طرف سے جار ی کردہ اعداد شمار کے مطابق علاقائی ممالک بشمول افغانستان، چین، بنگلہ دیش، سری لنکا، بھارت، نیپال اور مالدیپ کو ملک کی برآمدات 2614.021 ملین ڈالر ہے ،جوکہ جولائی- جنوری کے دوران پاکستان کی 17977.963 ملین ڈالر کی مجموعی برآمدات کا 14.54 فیصد ہے۔

چین اپنے پڑوسی ممالک کو پاکستان کی برآمدات کے لحاظ سے ممالک کی فہرست میں سرفہرست ہے، پاکستان اپنے قریبی پڑوسی ممالک سری لنکا، بھارت، نیپال اور مالدیپ کے ساتھ اپنی سرحدی تجارت کرتا ہے۔

چین کو پاکستان کی برآمدات اس سال کے سات مہینوں میں 44.53 فیصد اضافے کے ساتھ 1726.679 ملین ڈالر تک پہنچ گئیں جو گزشتہ سال 1194.639 ملین ڈالر تھیں جبکہ افغانستان کو برآمدات 285.177 ملین ڈالر سے 0.08 فیصد کی معمولی کمی کے ساتھ 284.927 ملین ڈالر تک پہنچ گئیں۔

بنگلہ دیش کو ملک کی برآمدات بھی اس سال 479.357 ڈالر سے 23.27 فیصد کم ہوکر 367.776 ملین ڈالر رہیں جبکہ سری لنکا کو برآمدات 182.313 ملین ڈالر سے 24.65 فیصد بڑھ کر 227.254 ملین ڈالر ہوگئیں۔بھارت کو برآمدات پچھلے سال کے 0.153 ملین ڈالر سے کم ہوکر 0.150 ملین ڈالر ہوگئیں۔