یو اے ای کے لیے پاکستانی فوڈ آئٹمز کی برآمدات میں 40 فیصد اضافہ

یو اے ای کے لیے پاکستان کی فوڈ آئٹمز سے متعلق برآمدات میں چالیس فیصد اضافہ دیکھنے میں آرہا ہے۔ 

دبئی میں امارات میں خوراک سے متعلق اشیاء کے بارے میں پانچ روزہ نمائش کا افتتاح کیا گیا ، مذکورہ نمائش خوراک سے متعلق دنیا کی سب سے بڑی نمائش ہے۔ یہ نمائش سالانہ بنیادوں پر متعقد ہوتی ہے اور نمائش میں رنگا رنگ قسم کی اشیائے خورد و نوش سجائی جاتی ہیں اور مختلف کاروباری کمپنیاں اپنے سٹال لگاتی ہیں۔

پاکستان کی طرف سے بھی اس میں ایک خصوصی پویلین کا افتتاح کیا گیا ہے۔ مختلف ملکوں کی فوڈ انڈسٹری اس نمائش میں اپنے مصنوعات کو لاتی ہے۔ پاکستان نے بھی اس کے لیے خصوصی پویلین قائم کیا ہے۔ یہ پویلین ورلد ٹرید سنٹر میں قائم کیا گیا ہے

متحدہ عرب امارات میں پاکستان کے سفیر فیصل نیاز ترمذی نے نمائش میں پاکستانی سٹال کا افتتاح کیا۔ 

پاکستان کے سفیر فیصل نیاز ترمذی نے اس موقع پر بات کرتے ہوئے کہا کہ یہ بڑے فخر کا لمحہ ہے کہ پاکستان سے اس نمائش کے لیے نئی آئٹمز متعارف کرا رہے ہیں۔ ہماری فوڈ کمپنیوں کے لیے بڑی حوصلہ افزائی کی بات ہے۔ امید ہے کہ پاکستان کی اس سلسلے میں برآمدات میں چالیس فیصد اضافہ ہو سکے گا۔ خصوصاً گوشت کی برآمدات کے سلسلے میں اضافہ ہوا ہے۔ اسی طرح پاکستان کی دودھ اور مکھن سے متعلق مصنوعات کی برآمد میں بھی اضافہ دیکھنے میں آرہا ہے۔ 

 خیال رہے اس نمائش میں 100 کے قریب پاکستانی فود انٹرپرائزز نے اپنی فوڈ آئٹمز کو نمائش کے لیے منتخب کیا ہے۔