کابینہ کی توانائی کمیٹی کی پاک ایران گیس پائپ لائن منصوبے کی منظوری

کابینہ کی توانائی کمیٹی نے پاک ایران گیس پائپ لائن منصوبے کی منظوری دے دی۔ 

ذرائع کے مطابق  پاک ایران گیس پائپ لائن منصوبےمیں اہم پیش رفت ہوئی ہے اور کابینہ کی توانائی کمیٹی نے ایرانی بارڈر سے گوادر تک 81 کلومیٹر پائپ لائن بچھانے کرنے کی منظوری دیدی ہے۔

ایران سے گیس خریدنے کے نتیجے میں پاکستان کو سالانہ 5 ارب ڈالر سے زائد بچت ہو گی۔ایرانی بارڈر سے گوادر تک گیس پائپ لائن بچھانے کا فیصلہ پاکستان کے مفاد میں ہے،  ایران فرنچ قانون کے تحت 18 ارب ڈالر جرمانے کا نوٹس واپس لے گا۔ 

80 کلومیٹر پائپ لائن بچھانے کے لیے ایک سال کا عرصہ درکار ہوگا اور اس پر 15کروڑ80 لاکھ ڈالر کی  لاگت کا تخمینہ لگایا گیا ہے۔ منصوبےکیلیے فنڈز جی آئی ڈی سی سےفراہم  کیے جائیں گے۔