آئی ایم ایف نے عمران خان کے خط کو سیاسی معاملہ قرار دے دیا

آئی ایم ایف نے پاکستان کی نئی مخلوط حکومت کے ساتھ کام کرنے پرواضح طور پر  آمادگی کا اظہار کردیا۔

عالمی مالیاتی فنڈ (آئی ایم ایف) کی جانب سے بانی پی ٹی آئی کے خط کے معاملے پر تبصرے سے گریز کرتے ہوئے خط کو سیاسی معاملہ قرار دے دیا ، آئی ایم ایف نے بانی پی ٹی آئی کی جانب سے مبینہ انتخابی دھاندلیوں کو جواز بنا کر آئی ایم ایف کو خط لکھنے اور امداد دھاندلیوں کی عدلیہ سے تحقیقات مشروط کیے جانے کا بھی صاف جواب دیا۔ جولی کوزیک کا کہنا تھا کہ وہ جاری سیاسی امور پر تبصرہ نہیں کریں گی۔ڈائریکٹر کمیونیکیشن آئی ایم ایف جولی کوزیک کا کہنا تھا آئی ایم ایف اندرونی سیاسی معاملات پر بیان نہیں دیتا، نئی منتخب حکومت کے ساتھ معاشی استحکام کے لیے کام کرنا چاہتے ہیں۔

 ڈائریکٹر کمیونیکیشن آئی ایم ایف نے  پاکستان میں میکرو اکنامک استحکام کو یقینی بنانے کے لیے نئی حکومت کے ساتھ پالیسیوں پر کام کرنے کے منتظر ہیں، آئی ایم ایف پاکستان میں غریب طبقات کے تحفظ کو یقینی بنانا چاہتا ہے۔ امید ہے نئی منتخب حکومت مہنگائی میں کمی کے لیے سخت مانیٹری پالیسی اختیار کرے گی۔