غزہ میں امدادی سامان کے حصول کے لئے جمع فلسطینیوں پر اسرائیلی فوج کا حملہ ، 10 افراد جاں بحق ، 15 زخمی

غزہ: غزہ میں امدادی سامان کے حصول کے لئے جمع ہزاروں فلسطینیوں پر اسرائیلی فوج کے ڈرون حملوں اور توپوں سے گولہ باری کے نتیجہ میں10افراد جاں بحق اور 15 سے زیادہ زخمی ہو گئے۔

تاس نے فلسطینی خبر رساں ادارے’’وفا ‘‘کے حوالہ سے بتایا کہ اس حملہ میں زخمی ہونے والے افراد کو طبی امداد کے لئے ہسپتال منتقل کر دیا گیا ہے۔

رپورٹ کے مطابق کئی ہزار فلسطینی انسانی ہمدردی کی بنیاد پر بیرون ملک سے بھیجا گیا امداد سامان حاصل کرنے کے لئے یہ سامان لے جانے والے ٹرکوں کے انتظار میں قطاروں میں کھڑے تھے کہ اسرائیل کی مسلح افواج نے ان کو ڈرون حملوں اور توپ خانے کی گولہ باری سے نشانہ بنا یا۔