معروف اداکارہ جیا علی رشتہ ازدواج میں منسلک ہو گئیں

تفصیلات کے مطابق جیا علی  نےہانگ کانگ میں  رہائش پذیرپاکستانی بزنس مین اور کرکٹ کوچ عمران ادریس سے شادی کر لی ہے۔ نکاح کی تقریب  بادشاہی مسجد میں منعقد کی گئی ،  شادی میں قریبی عزیزو اقارب کے علاوہ دوستوں نے شرکت کی ۔

جیا علی کے شوہر عمران ادریس بزنس  مین ہونے کے ساتھ ساتھ  پروفیشنل کرکٹ کوچ ہیں جو ہانگ کانگ کی قومی ٹیم سمیت دنیا کے کئی دیگر ممالک میں کوچنگ کرچکے ہیں۔ عمران ادریس کا پاکستان تحریک انصاف سے بھی  منسلک ہیں ، انہوں نے ایسٹ ایشیئن پیسیفک ممالک میں پی ٹی آئی کو متحرک کرنے میں اہم کردار ادا کیا۔

واضح رہے کہ جیا علی  نے بطورِ ماڈل اپنے کیرئر کا آغاز کیا تھا ۔ بعد ازاں   پاکستانی فلم انڈسٹری کی معتدد فلموں میں انھوں نے اپنی اداکاری کے جوہر دکھائے۔ 1997 میں ریلیز ہونے والی فلم 'دیوانے تیرے پیار کے 'سے انھیں کافی شہرت ملی۔ جیا علی کی  مشہورفلموں  میں’گھر کب آؤ گے‘، ’نخرہ گوری کا‘، ’سایہ خدائے ذوالجلال‘ اور ’لو میں گم‘ شامل ہیں۔ اسکے علاوہ  جیا علی نے بہت سے ڈراموں میں بھی اداکاری کی۔ان کے نامور ڈراموں میں ’کاغذ کے پھول‘، ’بند کھڑکیوں کے پیچھے‘، ’کبھی کبھی پیار میں‘، ’ہم سب عجیب سے ہیں‘، اور ’منزلیں‘ وغیر ہ شامل ہیں۔