7ویں پاکستان آرمی ٹیم سپرٹ  مشق 2024 اختتام پذیر

 پاکستان کی ساتویں پاک آرمی ٹیم سپرٹ  مشق 2024 کھاریاں گیریژن میں ایک شاندار اختتامی تقریب کے ساتھ اختتام پذیر ہوئی۔

آرمی چیف جنرل سید عاصم منیر نے تقریب میں بطور مہمان خصوصی شرکت کی۔ 60 گھنٹے طویل مشق کا مقصد تجربات کے اشتراک کے ذریعے جنگی مہارتوں کو بڑھانا تھا۔

آئی ایس پی آر کے مطابق مشق میں پاک فوج کی سات ٹیموں اور دوست ممالک بشمول بحرین، اردن، قازقستان، سعودی عرب، مالدیپ، مراکش، قطر، امریکہ، ازبکستان، سری لنکا، تھائی لینڈ اور ترکی کی پندرہ ٹیموں نے حصہ لیا۔ آذربائیجان، چین، جرمنی، انڈونیشیا، مملکت سعودی عرب اور میانمار نے بطور مبصرین مشق کا مشاہدہ کیا۔

تیم سپرٹ مشق پنجاب کے نیم پہاڑی علاقے میں 25 سے 27 فروری 2024 تک کی گئی۔ گزشتہ برسوں کے دوران، مشق نے دوست ممالک کے لیے ایک انتہائی مسابقتی پیشہ ورانہ فوجی سرگرمی کے طور پر بہت اہمیت حاصل کی ہے۔