وزیر اعلیٰ پنجاب مریم نواز کا راولپنڈی میں رنگ روڈ کا دورہ

راولپنڈی :  وزیر اعلیٰ پنجاب  مریم نواز نے آج راولپنڈی میں رنگ روڈ کا دورہ کیا اور منصوبے پر تعمیراتی کام کا جائزہ بھی لیا۔

تفصیلات کے مطابق مریم نواز کو دورے کے موقع پر انہیں منصوبے پر جاری کام کے بارے میں تفصیلی بریفنگ دی گئی ، وزیر اعلیٰ پنجاب کو منصوبے کے مختلف حصوں کے تعمیراتی کام سے آگاہ کیا گیا اور انہیں بتایا گیا کہ اس پر تیزی سے کام جاری ہے اور یہ رواں سال کے آخر تک اپنی مقررہ مدت میں مکمل کرلیا جائے گا۔

اس موقع پر گفتگو کرتے ہوئے مریم نواز نے کہا کہ اس منصوبے کے معیا ر پر کوئی سمجھوتہ نہیں کیا جائے گا ۔ انہوں نے کہا کہ صوبائی حکومت اس بڑے منصوبے کی مقررہ وقت میں تکمیل کے لئے فنڈز کی فراہمی یقینی بنائے گی۔