عمر ایوب نے مولانا فضل الرحمان سے اسپیکر ، وزیر اعظم کیلئے ووٹ مانگ لیے

سنی اتحاد کونسل کی جانب سے  نامزد وزیراعظم عمرایوب ، جے یو آئی کے سرپرست  مولانا فضل الرحمان کے گھر پہنچ گئے۔
تفصیلات کے مطابق مولانا فضل الرحمن کا قومی اسمبلی میں اپوزیشن میں بیٹھنے کے بیان کے بعد سنی اتحاد کونسل کے نامزد وزیر اعظم عمر ایوب ان کے گھر پہنچ گئے۔

سنی اتحاد کونسل کی جانب سے  نامزد کردہ وزیر اعظم عمر ایوب نے کہا کہ مولانا فضل الرحمان سمیت تمام جماعتوں سے ووٹ مانگنا ہماری ذمہ داری ہے۔

ملاقات کے بعد ایک صحافی نے عمر ایوب سے سوال کیا کہ کیا بانی پی ٹی آئی کو ان کی مولانا فضل الرحمن سے ملاقات کا پتہ ہے؟ اس پر عمر ایوب نے جواب دیا کہ کیوں نہیں۔

یاد رہے کہ نامزد وزیر اعظم عمر ایوب نے کہا کہ مولانا فضل الرحمان سے اسپیکر اور وزیر اعظم کے لیے ووٹ مانگنے آیا ہوں۔