مخصوص نشستوں پر منتخب اراکین کی اسمبلی میں موجودگی کےبغیر ایوان نامکمل ہے، بیرسٹر گوہر

پاکستان تحریک انصاف کے رہنما بیرسٹر گوہر نے کہا ہے کہ آئین کےآرٹیکل 51 کےمطابق خواتین اور اقلیتوں کی مخصوص نشستوں پر منتخب اراکین کی اسمبلی میں موجودگی کےبغیر ایوان نامکمل ہے۔

آئین کےآرٹیکل 51کےمطابق خواتین اور اقلیتوں کی مخصوص نشستوں پر منتخب اراکین کی اسمبلی میں موجودگی کےبغیر ایوان نامکمل ہے۔

سپریم کورٹ نے صوبہ پنجاب کے معاملے میں اپنے فیصلے میں 25 ارکان کی کمی کے باعث الیکشن رکوایا تھا۔ اس وقت قومی اسمبلی میں 23 اراکین(غیرمسلم… pic.twitter.com/3qjmvJh8YN

— Barrister Gohar Khan (@BarristerGohar) March 1, 2024

سوشل میڈیا پلیٹ فارم ایکس پر اینے پیغام میں بیرسٹر گوہر نے کہا کہ سپریم کورٹ نے صوبہ پنجاب کے معاملے میں اپنے فیصلے میں 25 ارکان کی کمی کے باعث الیکشن رکوایا تھا۔ اس وقت قومی اسمبلی میں 23 مخصوص نشستیں جس میں 3 غیرمسلم، 8 خیبرپختونخوا سے اور 12 پنجاب سے کم ہیں۔

انہوں نے کہا کہ ان اراکین کی عدم موجودگی میں ایوان نامکمل ہےجبکہ دستوری طور پر ایوان کی کسی بھی کارروائی کو آگےبڑھانے کیلئے ایوان کا مکمل کیا جانا ضروری ہے۔

بیرسٹر گوہر نے مزید کہا کہ فارم 47 کے جن حاملین کو ایوان کا حصہ بناکر کارروائی چلائی جا رہی ہے انکے اہلِ خانہ اور بچے تک ماننے کو تیار نہیں کہ یہ جیتے ہوئے ہیں۔