اے ایس پی شہربانو نقوی کی پاکستان میں سعودی عرب کے سفیر نواف بن سعید المالکی سے ملاقات

لاہور میں خاتون کو مشتعل ہجوم سے بچانے والی پولیس افسر سیدہ شہربانو نقوی کی پاکستان میں سعودی عرب کے سفیر نواف بن سعید المالکی سے ملاقات کی، جبکہ سعودی عرب کی جانب سے انہیں اور ان کے خاندان کو دورے کی دعوت بھی دی گئی ہے۔ سعودی سفیر نے سیدہ شہربانو نقوی کی بہادری کو سراہا۔

سعودی سفارت خانے کے مطابق شہربانو نقوی اور ان کے خاندان کو خصوصی طور پر حج کے لیے بھیجا جائے گا اور وہ حج کے دوران خادم الحرمین الشریفین کی مہمان ہوں گی۔

سیدہ شہربانو نقوی نے پچھلے ہفتے لاہور کی اچھرہ مارکیٹ میں ایک خاتون کو اس وقت بچایا تھا جب وہ ان کے لباس پر ہونے والی خطاطی پر مشتمل ہو گئے تھے۔
خیال رہے 25 فروری کو لاہور کے علاقے اچھرہ میں اس وقت مشتعل ہجوم نے ایک خاتون کو اس لیے گھیر لیا تھا کہ ان کے لباس پر عربی زبان میں کچھ تحریری تھا جن کو مقامی لوگ مقدس کلمات سمجھ رہے تھے۔

صورت حال خراب ہونے پر خاتون نے شوہر نے پولیس کو کال کی جس پر سیدہ شہربانو نقوی اپنی ٹیم کے ساتھ وہاں پہنچیں، انہوں نے وہاں ایک مختصر تقریر میں لوگوں کو قانون ہاتھ میں نہ لینے کی تبیہہ کی، جس کے بعد وہ اندر جا کر اس خاتون کے چہرے کو ڈھانپ کر اپنے بازوؤں میں ہجوم کے اندر سے نکال کر لے گئی تھیں۔