ادارہ شماریات نے ہفتہ وار مہنگائی کے اعدادوشمار جاری کردیئے

تفصیلات کے مطابق ادارہ شماریات نے ہفتہ وار مہنگائی کے اعدادوشمار جاری کردیئے ہیں ، گزشتہ ہفتے مہنگائی میں 0.63فیصد کی کمی، مجموعی شرح 16.34 فیصد کی سطح پر آگئی ہے۔

ادارہ شماریات کے مطابق  ایک ہفتے میں 12اشیاء ضروریہ کی قیمتوں میں اضافہ ریکارڈ کیا گیا ہے، 10 اشیاء کی قیمتوں میں کمی اور 29 اشیاء کی قیمتوں میں استحکام رہا ہے، ایک ہفتے کے دوران ایل پی کی کا گھریلو سیلنڈر 42 روپے مہنگا ہوا۔

ادارہ شماریات کے مطابق گزشتہ ہفتے کے دوران بیف،گڑ دالوں ،تازہ دودھ،دہی کی قیمتیں بڑھ گئیں، ایک ہفتے میں مٹن کی فی کلو قیمت میں 15 روپے کا اضافہ ہوا، گزشتہ ہفتے کے دوران بیف کی فی کلو قیمت میں 8 روپے کا اضافہ ہوا ، ایک ہفتے کے دوران مرغی کا فی کلو گوشت 47 روپے سستا ہو گیا۔ ایک ہفتے کے میں مرغی کی فی کلو 325 روپے سے کم ہو کر 278 روپے ہوگئی ہے۔

ادارہ شماریات کے مطابق  گزشتہ ہفتے میں کیلے،پیاز دال مصور ،چینی کی قیمتوں میں معمولی کمی ریکارڈ ہوئی ،ایک ہفتے کے دوران چائے کی پتی،چاول سمیت 29 اشیاء کی قیمتوں میں استحکام رہا ہے۔