موسم کی بہتر اور تیز رفتار پیش گوئی کیلئے کراچی میں جدید ڈوپلر ریڈارفنکشنل

تفصیلات کے مطابق  جاپان کے تعاون سے کراچی میں نصب کیا جانےوالا ڈوپلر ریڈار فنکشنل ہوگیا۔ جس کی مدد سے شہر قائد میں بادلوں کی پیمائش کے ساتھ سمندری طوفانوں سے متعلق معلومات بھی حاصل کی جاسکتی ہیں۔

ریڈار کی مدد سے بادلوں میں بارش کی مقدار اور سمندری طوفان سے متعلق پیشگی اطلاع فراہم کی جاسکے گی۔ ایس بینڈ ڈوپلر ریڈار کو ایک ارب اٹھاون کروڑ روپے کی لاگت سے جاپانی حکومت کے تعاون سے نصب کیا گیا ہے۔

جی این این کے مطابق ریڈار ٹاور کی اونچائی 78 میٹر ہے۔ جو ساڑھے چار سو کلو میٹر تک کے علاقےمیں موسم کا حال جاننے میں مدد کرسکتا ہے۔محکمہ موسمیات کی ویب سائٹ پر عوام کے لیے ڈوپلر ریڈارکا لنک بھی جاری کیا گیا ہے۔