پاکستان کے نئے وزیر اعظم کا انتخاب آج ہوگا، ذمہ داری کس کے کندھوں پر آئیگی

وزیراعظم کے انتخاب کے لئے قومی اسمبلی کا غیرمعمولی اجلاس آج 11 بجے ہو گا۔ میاں شہباز شریف اور عمر ایوب خان کے درمیان ون آن ون مقابلہ ہوگا۔

قائد ایوان کےلیے سادہ اکثریت حاصل کرنا لازمی ہے۔ 336 کے ایوان میں 169 ووٹ لینے والے کو نیا وزیراعظم پاکستان قرار دیا جائے گا۔

وزیراعظم کے عہدے کیلئے انتخابی عمل شروع ہونے سے قبل اسپیکر کے حکم پرپانچ منٹ تک گھنٹیاں بجائی جائیں گی۔

رائے شماری کے عمل کے بعد سیکریٹری تقسیم فہرست جمع کروائے گا، ووٹنگ کے اختتام پر سپیکر نتائج کا اعلان کرے گا۔

قائد ایوان کے انتخاب کیلئے ایوان کی تقسیم کا طریقہ کار اختیار کیا جائے گا، اسپیکرقومی اسمبلی وزارت عظمیٰ کے نامزد امیدواروں کے نام پڑھ کر سنائیں گے۔