نومنتخب وزیراعلیٰ خیبرپختونخوا علی امین گنڈا پور نے اپنے عہدے کا حلف اٹھا لیا

نومنتخب وزیراعلیٰ خیبرپختونخوا علی امین گنڈا پور نے اپنے عہدے کا حلف اٹھا لیا اور ساتھ ہی کے پی کابینہ کے لیے اراکین کے ناموں کی فہرست بھی تیار کرلی گئی۔

تفصیلات کے مطابق نومنتخب وزیراعلیٰ خیبر پختونخوا علی امین گنڈا پور نے عہدے کا حلف اٹھالیا، ان سے گورنر کے پی غلام علی نے حلف لیا ، حلف برداری کی تقریب گورنر ہاؤس پشاور میں ہوئی جس میں اسپیکر وڈپٹی اسپیکر کے پی اسمبلی، قومی اور صوبائی اسمبلی کے ارکان، پی ٹی آئی رہنماؤں سمیت بڑی تعداد میں لوگوں نے شرکت کی۔

 صوبائی کابینہ کے لیے اراکین کی فہرست تیار کرلی گئی ہے۔ ذرائع کے مطابق فہرست میں 15 سے زیادہ نام شامل ہیں جن میں مشتاق غنی، خلیق الرحمان اور عاقب اللہ کے نام بھی شامل ہیں۔