وزیراعظم کے انتخاب کے لیے ووٹنگ کا عمل شروع ہوگیا

اسلام آباد: پاکستان کے نئے وزیراعظم کے انتخاب کے لیے قومی اسمبلی میں ووٹنگ کا عمل جاری ہے۔

قومی اسمبلی کا اجلاس ایک گھنٹے کی تاخیر کے بعد شروع ہوا جس کی صدارت سپیکر قومی اسمبلی سردار ایاز صادق کر رہے ہیں۔

پاکستان مسلم لیگ (ن) کے قائد نواز شریف، صدر مسلم لیگ (ن) شہباز شریف، حمزہ شہباز، خواجہ آصف، چیئرمین پاکستان پیپلز پارٹی (پی پی پی) بلاول بھٹو زرداری، صدر پیپلز پارٹی پارلیمنٹیرینز آصف علی زرداری اور دیگر اراکین اسمبلی نے شرکت کی۔ قومی اسمبلی ایوان میں پہنچ گئے۔

نواز شریف اور شہباز شریف کی ایوان میں آمد پر ارکان نے ’شیر‘ کے نعرے لگائے اور میز بجا کر ان کا استقبال کیا۔

اجلاس کے آغاز پر اتحادیوں اور سنی اتحاد کونسل (ایس آئی سی) کے ارکان نے قومی اسمبلی میں شدید نعرے بازی کی۔