شہباز شریف دوسری باروزیراعظم منتخب

اسلام آباد: شہباز شریف دوسری بار اور پاکستان کے 24 ویں وزیراعظم منتخب ہوگئے۔

سپیکر قومی اسمبلی نے باضابطہ اعلان کردیا، محمد شہباز شریف 201 ووٹ لے کر وزیر اعظم پاکستان منتخب ہوگئے۔

شہباز شریف کے مقابلے میں عمر ایوب خان نے 92 ووٹ حاصل کیے۔

قومی اسمبلی کا اجلاس ایک گھنٹے کی تاخیر کے بعد شروع ہوا جس کی صدارت سپیکر قومی اسمبلی سردار ایاز صادق کر رہے ہیں۔ پاکستان مسلم لیگ (ن) کے قائد نواز شریف، صدر مسلم لیگ (ن) شہباز شریف، حمزہ شہباز، خواجہ آصف، چیئرمین پاکستان پیپلز پارٹی (پی پی پی) بلاول بھٹو زرداری، صدر پیپلز پارٹی پارلیمنٹیرینز آصف علی زرداری اور دیگر اراکین اسمبلی نے شرکت کی۔ قومی اسمبلی ایوان میں پہنچ گئے۔

نواز شریف اور شہباز شریف کی ایوان میں آمد پر ارکان نے ’شیر‘ کے نعرے لگائے اور میز بجا کر ان کا استقبال کیا۔

اجلاس کے آغاز پر اتحادیوں اور سنی اتحاد کونسل (ایس آئی سی) کے ارکان نے قومی اسمبلی میں شدید نعرے بازی کی۔

قومی اسمبلی کا اجلاس شروع ہوتے ہی سنی اتحاد کونسل کے اراکین نے اسپیکر کی ڈائس کے سامنے احتجاج شروع کر دیا تاہم بعد ازاں اپنی نشستوں پر چلے گئے۔ 

سنی اتحاد کونسل کا کہنا ہے کہ عمر ایوب کیلئے ایوان میں اپنی مکمل طاقت کا اظہارکیا جائے گا، ایوان میں اپنی سیاسی طاقت دکھانے سمیت احتجاج بھی کیا جائے گا، ایوان میں تقاریر اور احتجاج سے سنی اتحاد کونسل کے ارکان اپنا مؤقف سامنے رکھیں گے۔