پاکستان
مادر وطن کی علاقائی سالمیت کا دفاع کرنے کیلئے پوری طرح تیار ہیں، آرمی چیف
آرمی چیف نے رحیم یار خان کے قریب تربیتی مشق شمشیر صحرا میں حصہ لینے والے جوانوں سے خطاب کیا
![مادر وطن کی علاقائی سالمیت کا دفاع کرنے کیلئے پوری طرح تیار ہیں، آرمی چیف](/media/98462/conversions/1f93e9b0-db74-11ed-8df1-d74cbf1089d7-1280x720.jpg)
آرمی چیف جنرل سید عاصم منیر نے کہا ہے کہ پاکستان کی مسلح افواج قوم کی حمایت سے ہر طرح کے خطرے کے خلاف مادر وطن کی علاقائی سالمیت اور خود مختاری کا دفاع کرنے کیلئے پوری طرح تیار ہیں۔
آرمی چیف نے رحیم یار خان کے قریب تربیتی مشق شمشیر صحرا میں حصہ لینے والے جوانوں سے خطاب کیا ، فوج کے شعبہ تعلقات عامہ کے مطابق اس مشق کا مقصد جنگی ماحول میں مستقبل کے چیلنجز سے نمٹنے کیلئے درکار جنگی اور پیشہ ورانہ مہارتوں کو بڑھانا ہے۔
بری فوج کے سربراہ نے بکتربند، پیدل دستے اور مشینی دستے، توپ خانہ، فضائی دفاع اور ٹینک شکن گائیڈڈ میزائل سمیت مختلف ہتھیاروں کے استعمال اور میزائل فائر کئے جانے کی مشق کا جائزہ لیا۔پاک فضائیہ کے لڑاکا طیاروں نے بھی مشق میں حصہ لیا۔
برقی حربی صلاحیتوں کا استعمال اور دشمن کی مواصلاتی کو کمزور کرنے اور جنگ کے دوران غلط معلومات کو پھیلانے کی مہم سے نمٹنے کی کارروائیاں بھی مشق کا حصہ ہیں۔بری فوج کے سربراہ نے مشق کے علاقے میں پورا دن جوانوں کے ساتھ گزارا اور تربیت کے معیار، جنگی تیاریوں اور جوانوں کے بلند حوصلے کو سراہا۔انہوں نے اس بات پر زور دیا کہ مسلح فوج کو دشمن کی کسی بھی مہم جوئی کے خلاف ہمہ وقت تیار رہنا چاہئے۔
پاکستان
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا
سرکاری ملازمین حکومت کی اجازت کے بغیر کسی بھی میڈیا پلیٹ فارم پر کوئی بیان نہیں دے سکتے، ہدایات
![حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا](/media/116985/conversions/SocialMediaApps-1280x720.jpg)
اسلام آباد: حکومت نے سرکاری ملازمین کو سوشل میڈیا پلیٹ فارمز پر بات کرنے سے روک دیا۔
اسٹیبلشمنٹ ڈویژن کی جانب سے جاری ہدایات کے مطابق سرکاری ملازمین حکومت کی اجازت کے بغیر کسی بھی میڈیا پلیٹ فارم پر کوئی بیان نہیں دے سکتے۔ اس کے علاوہ سرکاری ملازمین کو سرکاری معلومات کو کسی غیر مجاز شخص یا میڈیا کے ساتھ شیئر کرنے سے بھی روک دیا گیا ہے۔
مراسلے کے مطابق سرکاری ملازمین میڈیا یا سوشل میڈیا پر کوئی ایسی بات نہیں کر سکتے جس سے حکومت کی ساکھ متاثر ہو۔ سرکاری ملازمین کو حکومتی پالیسیوں اور ملک کی سالمیت کے خلاف بات کرنے کی اجازت نہیں ہوگی۔
مراسلے میں مزید کہا گیا کہ سرکاری ملازمین کو دوسرے ممالک کے ساتھ تعلقات متاثر کرنے والے بیانات نہیں دے سکتے۔ سرکاری ملازمین کو سوشل میڈیا پر کسی بھی بحث میں غیر جانبدار رہتے ہوئے رائے دینے کی اجازت نہیں ہوگی۔
پابندی کے باوجود سرکاری ملازمین کی جانب سے سوشل میڈیا کا استعمال#GNN #BreakingNews #NewsUpdates #GNN_Updates pic.twitter.com/7lSdE3c3wx
— GNN (@gnnhdofficial) September 3, 2024
مراسلے میں سرکاری ملازمین سے کہا گیا کہ اگر کوئی سرکاری ملازم ان ہدایات کی خلاف ورزی کرتا ہے تو اس کے خلاف سخت کارروائی کی جائے گی۔
سرکاری ادارے اپنے سوشل میڈیا پلیٹ فارمز سے قابل اعتراض مواد ہٹانے کے لیے مسلسل نگرانی کرتے رہیں اور تمام وفاقی سیکرٹری، ایڈیشنل سیکرٹری، محکموں کے سربراہان اور چیف سیکرٹریزہدایات پر عملدرآمد یقینی بنائیں۔
حکومت کا کہنا ہے کہ ان ہدایات کا مقصد سوشل میڈیا کے مثبت استعمال پر پابندی لگانا نہیں ہے بلکہ سرکاری رازوں کی افشاگری اور حکومت کی ساکھ کو نقصان پہنچانے سے روکنا ہے۔
علاقائی
خاتون پولیس اہلکار کو ٹک ٹاک بنانا مہنگا پڑ گیا!
ویڈیو کے وائرل ہونے کے بعد ڈی آئی جی ساؤتھ سید اسد رضا نے نوٹس لیتے ہوئے کانسٹیبل ماریہ گل کو فوری طور پر معطل کردیا
![خاتون پولیس اہلکار کو ٹک ٹاک بنانا مہنگا پڑ گیا!](/media/117003/conversions/ladyconstablesuspended-1280x720.jpg)
کراچی: کراچی کی ایک لیڈی پولیس اہلکار کو ٹک ٹاک پر ویڈیو بنانا مہنگا پڑ گیا۔ دوران ڈیوٹی ٹک ٹاک ویڈیو بنانے پر کانسٹیبل ماریہ گل کو معطل کردیا گیا ہے۔
تفصیلات کے مطابق کراچی کے گزری تھانے میں تعینات لیڈی کانسٹیبل ماریہ گل نے دوران ڈیوٹی ٹک ٹاک ویڈیو بنائی جسے سوشل میڈیا پر خوب شیئر کیا گیا۔ اس ویڈیو میں وہ کراچی کی مائی کولاچی کاز وے پر اپنی ڈیوٹی کے بارے میں بتاتی نظر آ رہی ہیں۔
خاتون پولیس اہلکار کو ٹک ٹاک بنا مہنگا پڑ گیا!#GNN #BreakingNews #NewsUpdates #GNN_Updates pic.twitter.com/S4wB70mwh9
— GNN (@gnnhdofficial) September 3, 2024
اس ویڈیو کے وائرل ہونے کے بعد ڈی آئی جی ساؤتھ سید اسد رضا نے نوٹس لیتے ہوئے کانسٹیبل ماریہ گل کو فوری طور پر معطل کردیا۔ انہوں نے کہا کہ پولیس ایک پروفیشنل ادارہ ہے اور اس طرح کے غیر ذمہ دارانہ رویے کی کسی کو اجازت نہیں دی جائے گی۔
واضح رہے کہ وفاقی حکومت نے سرکاری ملازمین کے لیے سوشل میڈیا کے استعمال پر پابندی عائد کی ہے۔ اسٹیبلشمنٹ ڈویژن کی جانب سے جاری کردہ ایک نوٹیفکیشن کے مطابق، سرکاری ملازمین بغیر اجازت سوشل میڈیا کا استعمال نہیں کر سکتے۔
تفریح
ہانیہ عامر کی مقبولیت میں اضافہ‘ بھارتی صحافی کا انٹرویو لینے کی خواہش
’’آپ کے ساتھ انٹرویو کرنا ہے، برائے مہربانی بتائیں کہ کس طرح یہ ممکن ہوسکتا ہے‘‘، فریدون شہریار
![ہانیہ عامر کی مقبولیت میں اضافہ‘ بھارتی صحافی کا انٹرویو لینے کی خواہش](/media/117002/conversions/Hania-Amir-1280x720.jpg)
پاکستانی اداکارہ ہانیہ عامر کی مقبولیت میں دن بدن اضافہ ہوتا جا رہا ہے۔ حال ہی میں بھارت کے معروف انٹرنیٹ پرسنیلٹی اور صحافی فریدون شہریار نے ہانیہ عامر کا انٹرویو لینے کی خواہش کا اظہار کیا ہے۔
فریدون شہریار جو متعدد بالی ووڈ سپر اسٹارز کے انٹرویوز کر چکے ہیں۔ انہوں نے ہانیہ کے حالیہ ڈرامے میں ان کی اداکاری کی تعریف کرتے ہوئے انسٹاگرام پر لکھا،’’آپ کے ساتھ انٹرویو کرنا ہے، برائے مہربانی بتائیں کہ کس طرح یہ ممکن ہوسکتا ہے‘‘۔
فریدون کے اس کمنٹ کا اسکرین شاٹ سوشل میڈیا پر وائرل ہوگیا اور ہانیہ عامر کے مداحوں میں خوشی کی لہر دوڑ گئی۔ مداحوں نے ہانیہ عامر کو فوری طور پر فریدون کے انٹرویو کے لیے رضامند ہونے کا مشورہ دے دیا۔
یہ پہلی بار نہیں ہے کہ ہانیہ عامر کی مقبولیت بھارت میں دیکھنے میں آئی ہے۔ ان کی انسٹاگرام پروفائل پر موجود تصاویر پر بھی متعدد بھارتی مداحوں کے تبصرے پائے جاتے ہیں جو ہانیہ کے کام کو سراہتے ہیں۔
-
دنیا 5 گھنٹے پہلے
شکاگو :ریلوے اسٹیشن پر نامعلوم حملہ آور کی فائرنگ، 4 مسافرہلاک
-
پاکستان 2 گھنٹے پہلے
عمران خان کا فوجی تحویل میں دیئے جانے کیخلاف ہائیکورٹ سے رجوع
-
پاکستان 56 منٹ پہلے
سردار اختر مینگل کا قومی اسمبلی کی رکنیت سے مستعفی ہونے کا اعلان
-
تجارت ایک دن پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف
-
علاقائی 2 دن پہلے
پنجاب میں کم آمدن والوں کے لیے گھر کا خواب شرمندہ تعبیر ہوگا، مریم نواز
-
دنیا 21 گھنٹے پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
پاکستان 2 دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
پاکستان 5 گھنٹے پہلے
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا