وزیر اعظم شہباز شریف کی آصف علی زرداری کو صدر پاکستان منتخب ہونے پر مبارکباد

اسلام آباد: وزیر اعظم محمد شہباز شریف نے ہفتہ کو آصف علی زرداری کو دوسری مدت کے لیے پاکستان کا صدر منتخب ہونے پر مبارکباد دی۔

اپنے پیغام میں شہباز شریف نے کہا کہ سینیٹ، قومی اسمبلی اور چاروں صوبائی اسمبلیوں کے منتخب اراکین نے آصف علی زرداری پر اعتماد کا اظہار کیا ہے۔

وزیراعظم نے کہا کہ آصف علی زرداری وفاق کی مضبوطی کی علامت ہوں گے ،انہوں نے کہا کہ   آصف علی زرداری بطور صدر پاکستان آئینی ذمہ داریاں احسن طریقے سے ادا کریں گے۔

انہوں نے کہا کہ اتحادی جماعتیں پاکستان کی ترقی اور خوشحالی کے لیے مل کر کام کریں گی۔

صدر کے عہدے کی دوڑ میں آصف علی زرداری نے 255 ووٹ حاصل کیے جبکہ ان کے حریف سنی اتحاد کونسل کے امیدوار محمود خان اچکزئی نے 119 ووٹ حاصل کیے۔

یا درہے کہ چاروں صوبائی اسمبلیوں کے نتائج کے مطابق آصف علی زرداری نے بھاری اکثریت سے ووٹ حاصل کئے۔