آصف زرداری کی جیت پاکستان کیلئے اچھا تاثر نہیں ، بیرسٹر گوہر

تحریک انصاف کے چیئرمین بیرسٹر گوہر علی خان نے کہا کہ آصف علی زرادری کی جیت ملکی سلامتی کیلئے کوئی اچھا تاثر نہیں ہے ، انہوں نے کہا کہ پاکستان کو اس نہج پر لانے والے بھی یہی لوگ ہیں ، انہوں نے مزید کہا کہ ملکی ترقی میں پیپلز پارٹی اور مسلم لیگ ن کا کوئی کردار نہیں ہے ۔

تفصیلات کے مطابق بیرسٹر گوہر علی خان نے پارلیمنٹ ہاؤس کے باہر میڈیا سے گفتگو کرتے ہوئے کہا کہ صدارتی انتخاب میں آصف زرداری کی جیت جمہوریت کے لیے اچھا شگون نہیں ہوگا، ہم یہاں سے مایوس نہیں لوٹ رہے، آئینی اور قانونی جدوجہد جاری رکھیں گے۔

انہوں نے کہا کہ آصف زرداری مفاہمت نہیں، مفادات کا بادشاہ ہے، عارف علوی کا مستقبل اچھا ہوگا، بطور صدر بہت اچھا پرفارم کیا۔

ان کا کہنا تھا کہ یہ ملک ان سب کو خیرات میں بانٹ کر دیا جارہا ہے، ان لوگوں کو لایا جارہا ہے جو قانونی طور پرعہدوں پر بیٹھنے کے اہل نہیں۔

بیرسٹر گوہر علی خان نے کہا کہ آئینی عہدوں پرغیر آئینی طریقے سے براجمان ہونا آئین کی پامالی ہے، 2 خاندان ملک کے جمہوری عہدوں پر بھی قابض ہونے جا رہے ہیں۔