سیاسی حریف کی آصف زرداری کو صدر منتخب ہونے پر مبارکباد

اسلام آباد :  صدارتی الیکشن میں اپو زیشن اتحاد کے امیدوار محمود خان اچکزئی نے کہا  ہے کہ آصف علی زردادی کو صدر منتخب ہونے پر مبارکباد پیش کرتا ہوں،فضل الرحمان کا ووٹ ملنا چاہئے تھا۔تحریک انصاف کے متعدد پارلیمنٹیرینز نے ووٹ نہیں ڈالا،ملکی تاریخ میں پہلی بار ہوا کہ نہ کسی نے ووٹ خریدا اور نہ کسی نے بیچا۔

صدارتی الیکشن کے نتیجہ کے اعلان کے بعد پارلیمنٹ کے باہر میڈیا سے گفتگو کرتے ہوئے انہوں نے کہا کہ آصف علی زردادی زیرک سیاستدان ہے۔امید ہے ملک و قوم کو چیلنجز سے نکالنے کیلئے ٹھوس اقدامات کریں گے۔

انہوں نے کہا کی شبلی فراز سمیت متعدد پارلیمنٹیرینز نے ووٹ نہیں ڈالا۔توقع تھی کہ مولانا فضل الرحمان کا ووٹ مجھے ملے گا۔انہوں نے کہا کہ ملک کی خاطر ہم ساتھ دینے کیلئے تیار ہیں۔