مودی حکومت نے نہتے کشمیر یوں کے خلاف کارروائیاں مزید تیز کردیں

بھارت کے غیر قانونی زیر قبضہ جموں و کشمیر میں مودی حکومت نے کشمیریوں کا عرصہ حیات مزید تنگ کرنے کے لئے پولیس کو حریت پسند کشمیریوں کے خلاف کارروائیاں مزید تیز کرنے کی ہدایت کی ہے۔

کشمیر میڈیا سروس کے مطابق پولیس افسران کو عام لوگوں کے ساتھ ساتھ ان لوگوں کی سرگرمیوں کی خصوصی نگرانی کرنے کے احکامات دیے گئے جو تحریک آزادی سے وابستہ ہیں یا تھے۔

کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں ایک بیان میں کہا کہ بھارت سے آزادی ہر کشمیری کا خواب ہے۔

کشمیر میں انڈین پولیس افسران کو اپنے اپنے علاقوں میں محاصرے اور تلاشی کی کارروائیاں اور گھروں پر چھاپوں کا سلسلہ تیز کرنے کی بھی ہدایت کی گئی ہے۔

کل جماعتی حریت کانفرنس کے ترجمان ایڈوکیٹ عبدالرشید منہاس نے کہا عالمی برادری کا فرض ہے کہ وہ بھارتی غلامی کا طوق توڑنے میں کشمیریوں کی مدد کرے۔

کل جماعتی حریت کانفرنس کے   ترجمان نے اقوام متحدہ پر زور دیا کہ وہ تنازعہ کشمیرکو کشمیریوں کی امنگوں کے مطابق حل کرانے میں اپنا کردار ادا کرے۔

ادھر بھارتی  حکومت نے کشمیری عوام کے حق خود ارادیت کے لیے آواز اٹھانے والوں کے خلاف اپنی جابرانہ پالیسیوں کو جاری رکھتے ہوئے تمام ریاستوں اور مرکز کے زیر انتظام علاقوں کو مقبوضہ جموں وکشمیرمیں قائم دو آزادی پسندتنظیموں کے خلاف کارروائی کرنے کا اختیار دیا ہے۔