خیبر پختونخواحکومت کا چیف سیکرٹری کو ہٹانے کا فیصلہ

خیبرپختونخوا  اور وفاقی حکومت  چیف سیکریٹری پر آمنے سامنے آگئے، خیبر پختونخوا حکومت کے شدید تحفظات کے بعد وزیر اعلیٰ علی امین گنڈاپور نے چیف سیکرٹری ندیم اسلم چوہدری کو ہٹانے کیلئے وفاقی حکومت کو مراسلہ بھیج دیا ہے۔

وزیراعلیٰ خیبر پختونخوا نے چیف سیکرٹری کی خدمات وفاق کو واپس کرنے کیلئے وفاقی حکومت کو خط  لکھ دیا۔ مراسلہ میں کہا گیا ہے کہ چیف سیکریٹری ندیم اسلم چوہدری کی خدمات جلد سے جلد واپس لی جائیں۔

وزیراعلیٰ کے پی نے  چیف سیکریٹری کیلئے 3 کے بجائے صرف ایک نام بھی بھجوایا ہے جس میں  وزیراعلیٰ خیبر پختونخوا نے  شہاب علی شاہ کو چیف سیکرٹری  تعینات کرنے کی درخواست کی ہے۔