خواجہ محمد آصف نے وزارت ہوا بازی کے عہدے کا چارج سنبھا ل لیا

وفاقی وزیر خواجہ محمد آصف نے وزارت ہوابازی کا چارج سنبھال لیا۔ وفاقی وزیر کی دفتر آمد پر وفاقی سیکرٹری سیف انجم سمیت اعلی افسران نے خیر مقدم کیا۔

سیکرٹری ایوی ایشن سیف انجم نے وفاقی وزیر کو وزارت سے متعلق اہم امور اور جاری منصوبوں پر بریفنگ  بھی دی۔

اسی کے ساتھ وفاقی وزیر برائے توانائی ڈاکٹر مصدق ملک نے بھی پاور ڈویژن کا چارج سنبھال لیا۔ ترجمان وزارت توانائی (پاور ڈویژن)کے منگل کو جاری بیان کے مطابق وزارت کے سینئر افسران نے وفاقی وزیر کو خوش آمدید کہا ۔

وزیر توانائی ڈاکٹر مصدق ملک نے کہا کہ پاور سیکٹر میں اصلاحات موجودہ حکومت کی ترجیحات میں شامل ہیں۔