پاکستان کی جی ایس پی پلس حیثیت برقرار رہے گی،وزیراطلاعات

وزیر اطلاعات و نشریات عطا اللہ تارڑ نے کہا ہے کہ پی ٹی آئی کی طرف سے بے بنیاد آن لائن مہم کے باوجود پاکستان کی جی ایس پی پلس حیثیت برقرار رہے گی۔

 آج (بدھ) اسلام آباد میں ایک پریس کانفرنس سے خطاب کرتے ہوئے انہوں نے کہا کہ یہ آن لائن مہم پاکستان کے خلاف ایک سازش اور ملک کی معیشت پر حملہ ہے۔

انہوں نے کہا کہ پی ٹی آئی یہ مطالبہ اس تناظر میں کررہی ہے کہ ان کے بانی رہنما کو جیل میں سہولیات فراہم نہیں کی جارہی ہیں۔ انہوں نے وضاحت کی کہ پی ٹی آئی کے بانی رہنما کو دی جانے والی

سہولیات جیل میں موجود کسی اور قیدی کو میسر نہیں ہیں۔

جیل میں دو ہفتوں کے لئے ملاقاتوں پر پابندی کے حوالے سے وزیر اطلاعات نے واضح کیا کہ یہ صرف ایک جیل کےلئے نہیں ہے۔ انہوں نے کہا سکیورٹی خدشات کے تناظر میں اڈیالہ ، میانوالی اور ڈیرہ غاز خان جیلوں کا سکیورٹی آڈٹ کیا جارہاہے۔