سندھ حکومت کا وفاق سے چیئرمین ارساکی تعیناتی مسترد کرنے کا مطالبہ

سندھ حکومت نے وفاق سے  انڈس ریور سسٹم اتھارٹی (ارسا) کے چیئرمین کی تعیناتی مسترد کرتے ہوئے نوٹیفکیشن واپس لینے کا مطالبہ کردیا ہے

وزیراعلیٰ سندھ مراد علی شاہ نے کہا ہے کہ چیئرمین ارسا کی تقرری کا معاملہ وفاقی حکومت کو قومی اسمبلی میں لے جانا چاہئیے۔ ن لیگ کے ساتھ اتحاد نہیں، انہیں سپورٹ کررہے ہیں۔ سندھ کیلئےکوئی بھی غلط کرے گاتو احتجاج کریں گے۔

کراچی میں میڈیا سے گفتگوکرتے ہوئے مراد علی شاہ نے کہا کہ ارسا کا چئیرمین وفاق کا نمائندہ ہوگا، کابینہ اجلاس میں اس معاملے پراحتجاج کا فیصلہ ہوا ہے ۔ یہ معاملہ وفاقی حکومت کو قومی اسمبلی میں لے جاناچاہئیےتھا۔

وزیر آبپاشی سندھ جام خان شورو نے ارسا چیئرمین کی تعیناتی مسترد کرتے ہوئے کہا ہے کہ ارسا چیئرمین کی تعیناتی واٹر اکارڈ اور ارسا ایکٹ کی خلاف ورزی ہے۔سندھ حکومت ارسا چیئرمین کی غیرقانونی تعیناتی کی مذمت کرتی ہے۔ ارسا کا چیئرمین صوبوں کے ممبر یا وفاق کا نمائندہ ہوتاہے، کوئی باہر کا شخص چیئرمین ارسا نہیں بن سکتا۔

جام خان شورو نے وفاقی حکومت سے مطالبہ کیا کہ باہر کے شخص کی ارسا چیئرمین تعیناتی قوانین کی خلاف ورزی ہے، وزیراعظم چیئرمین ارسا کی تعیناتی کا نوٹیفکیشن واپس لیں۔