وفاقی وزیر داخلہ محسن نقوی کی سعودی سفیر نواف سعید المالکی سے ملاقات

وفاقی وزیر داخلہ محسن نقوی کی سعودی سفیر نواف سعید المالکی سے ملاقات ، عہدہ سنبھالنے پر سعودی سفیر نے محسن نقوی کو مبارکباد دی۔

سعودی عرب کے سفیر نے پنجاب میں غیر معمولی رفتار اور اعلیٰ معیار سے ریکارڈ مدت میں عوامی منصوبوں کی تکمیل پر محسن نقوی کی کارکردگی کو سراہا، ملاقات میں باہمی دلچسپی کے امور، دوطرفہ تعلقات کے فروغ اور مختلف شعبوں میں تعاون بڑھانے پر تبادلہ خیال کیا گیا۔

#اسلام_آباد|پاکستان میں#خادم_حرمین_شریفین کے سفیر جناب نواف بن سعید المالکی نے وفاقی وزیر داخلہ،انسداد منشیات جناب محسن رضا نقوی کا استقبال کیا۔دوران ملاقات خوش گوار گفتگو اور باہمی دلچسپی کے امور پر تبادلہ خیال ہوا۔ pic.twitter.com/7BQivgMQ3N

— السفارة في باكستان - سعودی سفارت خانہ (@KSAembassyPK) March 13, 2024

محسن نقوی نے پنجاب حکومت کے ساتھ بے پایاں تعاون پر سعودی سفیر کا شکریہ ادا کرتے ہوئے کہا کہ سعودی عرب نے ہر آزمائش میں پاکستان کا بھرپور ساتھ دیا، سعودی عرب پاکستانیوں کا دوسرا گھر ہے، پاکستانی قوم کو سعودی عرب کے ساتھ تعلقات پر فخر ہے۔

ان کا مزید کہنا تھا کہ آپ نے پاکستان اور سعودی عرب کے درمیان تعلقات کو مضبوط تر بنانے کیلئے مثالی کردار ادا کیا ہے، سعودی عرب کے ساتھ تاریخی دوستی پر ہم سب کو ناز ہے۔