الیکشن کمیشن کا سینیٹ کی 48 تشستوں پر انتخابات کے شیڈول کا اعلان

الیکشن کمیشن نےسینیٹ انتخابات کاشیڈول جاری کردیا۔

 الیکشن کمیشن نے سینٹ کی 48 نشستوں پر انتخابات کا شیڈول جاری کر دیا، اس سلسلے میں ریٹرننگ آفیسرز آج پبلک نوٹس جاری کریں گے۔ کاغذات نامزدگی 15 اور 16 مارچ کو جمع کروائے جا سکیں گے جبکہ سینٹ انتخابات کے لیے پولنگ 2 اپریل کو ہوگی ۔

الیکشن کمیشن کے مطابق امیدواروں کے کاغذات نامزدگی کی جانچ پڑتال 19 مارچ تک کی جائے گی، 21 مارچ تک ریٹرننگ افسران کے فیصلوں کے خلاف اپیلیں دائر کی جا سکیں گی اور پھر اپیلٹ ٹریبونلز 25 مارچ تک اپیلوں کو نمٹائیں گے۔

شیڈول کے مطابق 26 مارچ کو نظر ثانی فہرست اور 27 مارچ کو امیدوار اپنے کاغذات واپس لے سکیں گے۔حتمی فہرست 27 مارچ کو آویزاں کی جائے گی انتخابات کے لیے پولنگ قومی اسمبلی اور چاروں صوبائی اسمبلیوں میں ہوگی۔