الیکشن کمیشن نے سینیٹ کی 48 خالی نشستوں پر انتخابات کا شیڈول جاری کردیا

الیکشن کمیشن نے سینیٹ کی اڑتالیس خالی نشستوں پر انتخابات کا شیڈول جاری کردیا ہے۔

 شیڈول کے مطابق پولنگ آئندہ ماہ کی دو تاریخ کو صبح نو بجے سے شام چار بجے تک ہوگی۔ امیدوار اپنے کاغذات نامزدگی کل سے ہفتے کے روز  تک ریٹرننگ افسران کو جمع کرا سکتے ہیں۔

 وفاقی دارالحکومت میں ارکان قومی اسمبلی ایک جنرل نشست اور علما سمیت ایک ٹیکنو کریٹ کی نشست کے لئے سینیٹرز کا انتخاب کریں گے۔

 صوبائی اسمبلیوں کے ارکان سات جنرل نشستیں، دو خواتین اور ہر صوبے سے علما سمیت دو ٹیکنو کریٹس اورپنجاب اور سندھ سے غیر مسلموں کی ایک ایک نشست کےلئے ایوان بالا کے ارکان منتخب کریں گے۔

 یہ نشستیں ارکان کی مدت ختم ہونے کے بعد رواں ماہ کی گیارہ تاریخ کو خالی ہوئی تھیں۔