سینیٹ کی 6 خالی نشستوں پر پولنگ کا عمل جاری

سینیٹ کی چھ خالی نشستوں پر ضمنی انتخابات کے لئے پولنگ قومی اسمبلی اور سندھ اور بلوچستان اسمبلیوں میں جاری ہے۔

پولنگ اسلام آباد میں ایک خالی نشست ، سندھ کی دو عام نشستوں اور بلوچستان کی تین خالی نشستوں پر ہورہی ہے۔

قومی اسمبلی میں پیپلز پارٹی کے امیدوار یوسف رضا گیلانی اور سنی اتحاد کونسل کے امیدوار چودھری الیاس مہربان میں مقابلہ ہے۔

سندھ اسمبلی میں دونوں نشستیں پیپلز پارٹی کے نثار احمد کھوڑو اور جام مہتاب ڈھر کے استعفے کی وجہ سے خالی ہوئیں۔ پیپلز پارٹی اور سنی اتحاد کونسل کے دو ، دو امیدوار انتخاب میں حصہ لے رہے ہیں۔