سینیٹ ضمنی انتخابات : پیپلزپارٹی کے 4جبکہ ن لیگ اور جے یو آئی کا 1،1 سینیٹر منتخب

اسلام آباد: سینیٹ کے ضمنی انتخاب میں پیپلز پارٹی نے4، ن لیگ اور جے یو آئی نے ایک ایک نشست حاصل کرلی۔

قومی اور صوبائی اسمبلیوں کے رکن منتخب ہونے کے بعد چھوڑی گئی سینیٹ کی 6 نشستوں کیلئے ضمنی انتخابات ہوئے جس میں پولنگ کا عمل صبح 9 بجے سے 4 بجے تک جاری رہا ، پولنگ کے بعد ووٹوں کی گنتی کا عمل شروع ہوا جب کہ سینیٹ کے لیے اسلام آباد کی ایک، سندھ اسمبلی کی 2 اور بلوچستان اسمبلی کی 3 نشستوں پر ووٹ ڈالے گئے۔

سینیٹ کے ضمنی الیکشن میں سندھ سے پیپلز پارٹی کے سیف اللہ دھاریجو اور اسلم ابڑو امیدوار تھے جبکہ سنی اتحاد کونسل کے نذیر اللہ اور شازیہ سہیل بھی سندھ سے سینیٹ کے امیدوار تھے۔

سندھ اسمبلی میں پیپلز پارٹی کے امیدوار اسلم ابڑو 57 اور سیف اللہ دھاریجو 58 ووٹ لے کر سینیٹر منتخب ہوگئے ہیں۔

اسلام آباد سے سینیٹ کی نشست کے لیے سنی اتحاد کونسل کے الیاس مہربان اور پیپلز پارٹی کے یوسف رضا گیلانی امیدوار تھے جب کہ اسلام آباد کی نشست کے لیے ووٹنگ قومی اسمبلی میں ہوئی۔