جوڈیشنل کمپلیکس حملہ کیس، عمر ایوب کی عبوری ضمانت میں توسیع

جودیشنل کمپلیکس حملہ کیس، انسداد دہشت گردی عدالت نے پی ٹی آئی رہنما اور اپوزیشن لیڈر عمر ایوب کی عبوری ضمانت میں 16 اپریل تک توسیع کر دی۔

انسداد دہشتگردی عدالت اسلام آباد میں احتجاج اور توڑ پھوڑ پر درج مقدمہ کی سماعت کیلئے رہنما پی ٹی آئی عمر ایوب خان اپنے وکیل بابر اعوان کے ہمراہ عدالت میں پیش ہوئے۔ جج کی عدم دستیابی کے باعث کارروائی نہ ہوسکی، کیس کی سماعت 16 اپریل تک کیلئے ملتوی کر دی گئی۔

احاطہ عدالت میں میڈیا سے غیر رسمی گفتگو کرتے ہوئےعمر ایوب نے سنی اتحاد کونسل سے اختلافات کی تردید کرتےہوئے کہا کہ  میں کل خود اس اجلاس میں موجود تھا اس طرح کا کوئی معاملہ نہیں ہوا۔