محسن نقوی کی افریقی ،کیوی کرکٹ بورڈ کے چیئر مین سے ملاقات

لاہور: پاکستان کرکٹ بورڈ (پی سی بی) کے چیئرمین محسن نقوی نے کرکٹ ساؤتھ افریقہ (سی ایس اے) کے چیئرمین لاسن نائیڈو اور نیوزی لینڈ کرکٹ (این زیڈ سی) کے چیئرمین راجر ٹوسے سے ملاقات کی۔

میٹنگ کے ایجنڈے میں پاکستان، نیوزی لینڈ اور جنوبی افریقہ کے درمیان ون ڈے سہ فریقی سیریز شامل تھی، جو فروری 2025 میں پاکستان میں آئی سی سی چیمپئنز ٹرافی سے عین قبل منعقد کی جانی ہے ۔ سہ فریقی سیریز کو حتمی شکل دی گئی اور میزبان اور دونوں ممبر بورڈز نے اس کا خیرمقدم کیا۔

چیئرمین پی سی بی نے مسٹر راجر ٹوز اور مسٹر لاسن نائیڈو کو دورہ پاکستان کی دعوت بھی دی ، پاکستان کرکٹ بورڈ نے آخری بار اکتوبر 2004 میں سہ فریقی سیریز کی میزبانی کی تھی جہاں سری لنکا اور زمبابوے ایونٹ کی دیگر دو ٹیمیں تھیں ۔ 

چیئرمین پی سی بی محسن نقوی نے کہا کہ پاکستان، جنوبی افریقہ اور نیوزی لینڈ کے درمیان سہ فریقی سیریز ایک دلچسپ سیریز ہوگی  اور یہ طویل عرصے کے بعد پاکستان ایسے ٹورنامنٹ کی میزبانی کرے گا۔