محسن نقوی نے یونان، لیبیا کشتیوں کے واقعات کی تفصیلی رپورٹ طلب کر لی

GNN ویب ڈیسک 1 گھنٹہ پہلے 16 مارچ 2024 کو 10:51 AMBy ویب ڈیسک شائع ہوا
محسن نقوی نے یونانی اور لیبیا کشتی کے واقعات کی تفصیلی رپورٹ طلب کر لی محسن نقوی نے یونانی اور لیبیا کشتی کے واقعات کی تفصیلی رپورٹ طلب کر لی
اسلام آباد: وفاقی وزیر داخلہ محسن نقوی نے یونان کے قریب کشتی حادثے اور لیبیا میں پیش آنے والے واقعات کی تفصیلی رپورٹ طلب کرلی۔

تفصیلات کے مطابق محسن نقوی نے ڈائریکٹر جنرل (ڈی جی) فیڈرل انویسٹی گیشن ایجنسی (ایف آئی اے) کو اب تک کی گئی تمام کارروائیوں کی رپورٹ پیش کرنے کی ہدایت کردی۔

وفاقی وزیر داخلہ نے کہا کہ انسانی سمگلنگ جیسے گھناؤنے کاروبار میں ملوث عناصر کسی رعایت کے مستحق نہیں۔ یونانی کشتی حادثہ انتہائی افسوسناک واقعہ تھا، کئی مائیں اپنے بچوں سے محروم ہوگئیں۔

محسن نقوی نے کہا کہ یونانی کشتی حادثے کے اصل ذمہ داروں کو انصاف کے کٹہرے میں لانا ہوگا، جیل ایسے عناصر کی جگہ ہے جو لوگوں کو غیر قانونی طور پر بیرون ملک بھیجنے کے کاروبار میں ملوث ہیں۔