سعودی ولی عہد کا پاکستان کیلئے اپنی مکمل حمایت کااعادہ

سعودی ولی عہد شہزادہ محمد بن سلمان نے پاکستان کے لئے اپنے ملک کی حمایت کا اعادہ کیا ہے۔

وزیراعظم شہبازشریف کو ٹیلی فون پر مبارکباد دیتے ہوئے انہوں نے کہا کہ دونوں ممالک کے درمیان گہرے برادرانہ تعلقات قائم ہیں۔

ولی عہد نے وزیراعظم کو ان کے دوبارہ انتخاب پر مبارک باد دی۔

وزیر اعظم محمد شہباز شریف نے ٹیلی فون کال کے ساتھ ساتھ وزیر اعظم کا عہدہ سنبھالنے کے فوراً بعد بھیجے گئے مبارکباد کے پرجوش پیغام پران کا شکریہ ادا کیا۔وزیراعظم نے الحرمین الشریفین کے متولی شاہ سلمان بن عبدالعزیز کی صحت و تندرستی کے لیے نیک تمناؤں اور دعاؤں کا اظہاربھی کیا۔ انہوں نے کہا کہ پاکستان کے عوام سعودی عرب کے فرمانروا اور ولی عہد کے لیے بے پناہ محبت اور احترام رکھتے ہیں۔