صدارتی انتخابات کے دوارن روس کا یوکرین پر میزائل حملہ ،19 افراد ہلاک

روس کی فوج کی جانب سے یوکرین کے علاقے میں میزائل حملے کے نتیجے میں 19 افراد ہلاک اور 73 زخمی ہوگئے ہیں ۔

غیر ملکی میڈیا رپورٹس کے مطابق یوکرین کے چیف پبلک پراسیکیوٹر اینڈری کوسٹن نے سماجی رابطوں کے پلیٹ فارم پر ایک بیان میں کہا بتایا کہ گزشتہ روز اودیسا میں ہونے والے حملے کے نتیجے میں ہلاکتوں کی تعداد 19 اور زخمیوں کی تعداد 73 ہو گئی۔
اودیسا فوجی انچارج اولیگ کیپر کے مطابق اس حملے میں اپنی جانیں گنوا بیٹھنے والوں کے لیے اوددیسا میں آج قومی سوگ کا اعلان کیا گیا ہے۔

یوکرینی صدر ولادیمیر زیلنسکی نے ویڈیو پیغام میں اودیسا پر میزائل حملے پر ردعمل میں اس واقعے کو قابل نفرت حملہ قرار دیتے ہوئے بتایا کہ دو میزائل فائر کیے گئے۔

یوکرین صدارتی دفتر کے سربراہ آندری یرماک نے سوشل میڈیا پر ایک بیان میں کہا کہ اودیسا میں روسی دہشت گردی اپنی سرزمین پر لوگوں کی حفاظت کی ضمانت نہ دے سکنے والے ایک دور میں اس دشمن کی کمزوری کی علامت ہے۔