عظمیٰ بخاری نے وزیراعلیٰ پنجاب مریم نواز کے حق میں وضاحتی بیان دے دیا

لاہور: صوبائی وزیر اطلاعات عظمیٰ بخاری نے بیرسٹر سیف کے بیان پر سخت ردعمل دیتے ہوئے کہا کہ اڈیالہ جیل حکام کے مطابق پرویز الٰہی واش روم میں گر کر زخمی ہو ئے۔

بیرسٹر سیف مریم نواز پر الزام لگانے سے پہلے اڈیالہ جیل حکام کی رپورٹ کا مطالعہ کریں۔

عظمیٰ بخاری نے کہا کہ پرویز الٰہی کے بیٹے مونس الہی کو اپنے والد کی کوئی فکر نہیں۔ ٹونگا پارٹی نے اپنے ہر جرم کا الزام مریم نواز پر لگانے کی عادت ڈال رکھی  ہے۔

عظمی بخاری نے کہا کہ وزیر اعلی مریم نواز بہت زیادہ مصروف ہیں اور ان کے پاس ٹونگا پارٹی کے ہر کارکن کی سرگرمیوں پر نظر رکھنے کے لیے وقت نہیں ہے۔ عظمیٰ بخاری نے مزید کہا کہ مریم نواز اپنی توجہ اپنے صوبے کے عوام کی خدمت پر مرکوز کر رہی ہیں اور اپنے مخالفین کی پرواہ نہیں کرتیں۔

علی امین گنڈا پور ہو یا بیرسٹر سیف، سب اپنے اپنے بانی پی ٹی آئی کے قدموں میں گرتے ہیں۔ وہ اپنے لیڈر کی طرح بے بنیاد الزامات لگانے کی سیاست کرتے ہیں۔