خیبر پختونخوا ،ارکان کا مخصوص نشستوں پر حلف نہ لینے پر عدالت سے رجوع

مسلم لیگ ن، پاکستان پیپلز پارٹی اور جے یو آئی نے مخصوص نشستوں پر ارکان سے حلف نہ لینے کے معاملے پر عدالت سے رجوع کر لیا، درخواست مخصوص نشستوں پر منتخب ممبران کی جانب سے دائر کی گئی ہے۔

پشاور ہائیکورٹ میں دائر کی جانے والی اس درخواست میں استدعا کی گئی ہے کہ حلف نہ لینے کی صورت میں سینیٹ انتخابات کو ملتوی کیا جائے۔

درخواست میں موقف اختیار کیا گیا ہے کہ خیبرپختونخوا کے مخصوص نشستوں پر ممبران سے حلف نہ لینا بدنیتی ہے، مخصوص نشستوں پر منتخب ممبران سے حلف لیا جائے تاکہ سینیٹ انتخابات میں ووٹ ڈالا جاسکے۔

عدالت سے استدعا کی گئی ہے کہ حلف نہ لینے کی صورت میں سینیٹ انتخابات کو ملتوی کیا جائے۔

درخواست میں مزید کہا گیا ہے کہ پشاور ہائیکورٹ بھی مخصوص نشستوں سے متعلق فیصلہ کرچکی ہے۔ الیکشن کمیشن نے مخصوص نشستوں پر منتخب ممبران کا نوٹیفیکشن جاری کیا۔